Në orët në vijim, qyteti i Vlorës pritet të përfshihet nga reshje shiu me intensitet të lartë. Bashkia e Vlorës ka njoftuar qytetarët përmes një mesazhi në rrjetet sociale, duke bërë thirrje për kujdes dhe duke kërkuar që të shmanget parkimi i automjeteve në zonat me risk të lartë përmbytjeje.
Bashkia informon se grupet e Ujësjellës Kanalizime dhe punonjësit e Bashkisë së Vlorës do të jenë në terren për të monitoruar situatën dhe për të ndërhyrë nëse do të jetë e nevojshme.
Njoftimi i plotë nga Bashkia e Vlorës:
➡️ Në orët në vijim priten reshje të shiut me intensitet të lartë.
➡️ Bëni kujdes dhe mos parkoni automjetet në zonat me risk të lartë si:
•“Albano & Romina”
•Biblioteka Publike
•Pranë Kishës Orthodhokse
•Në “Skelë” te dykalimshi
➡️ Grupet e Ujësjellës Kanalizime dhe të Bashkisë do të jenë në terren për të monitoruar dhe ndërhyrë sipas nevojës.
? Nëse hasni probleme për shkak të reshjeve dhe prezencës së ujit, mund të kontaktoni Bashkinë për ndihmë.
