Policia Rrugore e Tiranës ka shtuar ndjeshëm kontrollet në rrugët e kryeqytetit gjatë javës së fundit, në kuadër të një aksioni për rritjen e sigurisë rrugore dhe parandalimin e aksidenteve. Në këtë kuadër, janë përdorur mjete teknologjike moderne si dronë, radarë, kamera inteligjente dhe është shtuar prania e patrullave në terren.
Sipas njoftimit zyrtar, si rezultat i këtyre kontrolleve intensive:
- 49 shtetas janë arrestuar ose janë proceduar penalisht për shkelje të rënda të Kodit Rrugor;
- 15 prej tyre për drejtim të mjetit në gjendje të dehur ose pa leje drejtimi;
- 4 persona janë kapur në kërkim për vepra të ndryshme penale;
- 40 automjete janë bllokuar për parregullsi të ndryshme teknike apo dokumentacioni;
- 21 leje drejtimi janë pezulluar.
Gjithashtu, janë vendosur 14,495 masa administrative ndaj drejtuesve të mjeteve për shkelje të ndryshme të rregullave të qarkullimit rrugor.
Policia Rrugore u bën apel të gjithë përdoruesve të rrugës që të respektojnë rregullat e qarkullimit, në funksion të sigurisë së tyre dhe të të tjerëve.
