Ardit Gjokrosa është ekstraduar nga Gjermania drejt Shqipërisë. Ai ishte në kërkim nga SPAK, pasi akuzohet për sigurimin e kushteve dhe të mjeteve materiale për të kryer vrasje në dëm të shtetasit Hamza Terziu, në bashkëpunim të veçantë, atë të grupit të strukturuar kriminal.
Gjokrosa akuzohet gjithashtu për veprat penale “Grup i strukturuar kriminal”, në formën e pjesëmarrjes, dhe “Kryerja e veprave penale nga organizata kriminale dhe grupi i strukturuar kriminal”.
