Kryeministri Rama njoftoi në Himarë, se do të nis shpërndarja e 437 titujve të pronësisë në të gjithë zonat me probleme në këtë sektor.
Para himariotëve, duke e quajtur veten një prej tyre Rama tha se asnjëherë nuk i ka kërkuar pronat që i takojnë duke qenë se nëna e tij është nga Vunoi. Ai tha se i njeh të gjitha historitë e pronave në këtë zonë.
Rama u shpreh se në AMTP-të në këtë zonë është bërë lojë e ndyrë kriminale. Sipas tij në vend ka propagandë sikur ata duan të marrim prona të banorëve dhe për t’ua japin të ashtuquajturve oligarkë.
"E njoh mirë unë këtë zonë, e njoh, e kam në gjak, ia di të tëra historitë. Mund të flisni ça të doni me ndonjë që vjen nga Durrësit dhe nuk di se ça bëhet. I di dhe konfliktet brenda për brenda familjeve. Unë vetë dhe e ndjera ime më, nuk kemi kërkuar kurrë asgjë. Ju e dini mirë se ku e kemi rrënjën këtu, por nuk kemi kërkuar asgjë. Asnjë metër katror. Por ama nuk është se nuk e di historinë, dhe të pronës sonë atje." tha Rama
Kryeministri Rama tha se certifikatat e pronësisë që po shpërndan nuk bëjnë asnjë lekë.
