E.Arrazi, vajza 9-vjeçare që u vetëmbyt në lumin e Bunës, bashkë me nënën e saj Almën, motrën dhe vëllain e vogël, do të përcillet ditën e sotme për në banesën e fundit.
Babai i saj, Erdgys Arrazi, ndërkohë po mbahet në paraburgim nën dyshimet për shkaktim të vetëvrasjes pasi nga hetimet e deritanishme, rezulton se ka dhunuar gruan e fëmijët si dhe ka krijuar një lidhje jashtëmartesore, cka ka çuar 39-vjeçaren drejt aktit të vetëflijimit bashkë me 3 fëmijët.
Nga hetimet e deritanishme, rezulton se gruaja është vetëhedhur nga Ura e Bunës rreth orës 21:00 të mbrëmjes së 2 majit, pasi kishte konsumuar një kafe me kunatën e saj, ku kishte mësuar dhe tradhtinë e të shoqit.
Ajo shfaqet ne disa kamera sigurie, teksa ecën në drejtim të Urës së Bunës dhe është krejtësisht e qetë.
Zhdukja e gruas me 3 fëmijët, u denoncua me datë 3 maj nga Edrgys Arrazi dhe menjëherë policia nisi hetimet.
Por ndërsa oficerët po merrnin dëshmitë e personave që mund të kishin dijeni mbi zhdukjen e tyre dhe po sekuestronin kamerat e sigurisë, një peshkatar gjeti trupin e pajetë të vajzës 9-vjecare.
Prej tre ditësh peshkatari që gjeti trupin e pajetë të vajzës, bashkë me polumbarët e repartit special RENEA dhe me ndihmën e forcat e ushtrisë, janë duke vijuar kërkimet për gjetjen e Alma Arrazit dhe dy fëmijëve, të cilët dyshohen të jetë vetëmbytur.
