Ergys Arrazi është arrestuar nga Policia e Shkodrës nën dyshimet për akuzën e “shkaktimit të vetëvrasjes”, 3 ditë pasi denoncoi zhdukjen e bashkëshortes së tij Alma Arrazi dhe 3 fëmijëve të mitur. Vajza e madhe e çiftit, 9 vjeç u gjet e mbytur në Lumin e Bunës nga një peshkatar dhe tashmë policia është duke vijuar kërkimet për gjetjen e gruas dhe dy fëmijëve të tjerë.
Çifti ishte në proces divorci dhe policia ka dyshime se sjellja e Ergys Arrazit e ka çuar gruan e tij të marrë fëmijët dhe të vetëmbytet në lumin Bunë sipas hetimeve të deritanishme.
Ergys Arrazi më përpara kishte deklaruar se ka humbur kontaktet me familjen e tij.
