Autori i dyshuar i krimit ku humbi jetën Kosta dhe Kleoniqi Ilia, 84 dhe 88 vjeç është Thoma Mastora, bashkëfshatar i viktimave.
Drejtori i Drejtorisë Vendore të Policisë Gjirokastër, Ardian Çipa tha se ata ishin goditur me sende të forta.
"Nga kontrolli në banesë u arrit që të gjendeshin dhe një vlerë prej 5 milionë lekësh të reja. 35 persona u shoqëruan, u kryen vlerësime dhe eksperimente hetimore. U arrit të sqarohej dokumentimi i kësaj ngjarje dhe të identifikohej autori. Autori i këtij krimi Thoma Mastora, 69 vjeç, banues në këtë fshat, i dënuar më parë”, tha Çipa.
Shkaku i krimit dyshohet marrja e pronave te çiftit të të moshuarve në fshatin Bridishtë.
