SPAK ka shpallur pretencën për të pandehurit e operacionit “Flakë në det”. Për Gëzim Çelën, i konsideruar si “baroni i heroinës”, është kërkuar një dënim me 16 vite burg. Por, për shkak të gjykimit të shkurtuar, dënimi i tij reduktohet në 10 vite e 8 muaj burg.
Për ish-policin Arlind Ismailukaj është kërkuar dënimi me 15 vite burg, i cili, pas përfitimit nga gjykimi i shkurtuar, ulet në 10 vite. Ndërsa për ish-skafistin nga Vlora, Arben Dalipaj, është kërkuar 14 vite burg, që lehtësohet në 9 vite e 4 muaj.
Të pandehurit akuzohen për:
“Trafikim narkotikësh”, kryer në bashkëpunim dhe në kuadër të një grupi të strukturuar kriminal,
“Grup i strukturuar kriminal”
“Kryerja e veprave penale nga organizata kriminale ose nga grupi i strukturuar kriminal”. Nga hetimet ka rezultuar se droga nisej nga zona e Patokut drejt vendeve të Bashkimit Evropian dhe shkëmbimi kryhej në det të hapur, në mjete lundruese të tipit velierë. Dy shtetas të huaj, në momentin kur u pikasën nga policia, i vunë flakën mjetit lundrues dhe tentuan të arratiseshin me një varkë të vogël.
Të pandehurit dhe masat e dënimit të kërkuara:
Arlind Ismailukaj – 15 vite burg / me gjykim të shkurtuar: 10 vite
Gëzim Çela – 16 vite burg / 10 vite e 8 muaj
Nerim Çela – 14 vite burg / 9 vite e 4 muaj
Armando Mema – 12 vite burg / 8 vite
Dritan Mataj – 12 vite burg / 8 vite
Arben Dalipaj – 14 vite burg / 9 vite e 4 muaj
Besnik Brokeri – 12 vite burg / 8 vite
Dritan Deda (alias Alket Alis) – 12 vite burg / 8 vite
Selami Lushka – 12 vite burg / 8 vite
Kyrylo Ponomarenko – 13 vite burg / 8 vite e 4 muaj
Ksenofon Bodo – 12 vite burg / 8 vite
Armando Papa – 12 vite burg / 8 vite
Kostiantyn Biellon – 12 vite burg / 8 vite
