Në prag të sezonit turistik, Inspektoriati Kombëtar i Mbrojtjes së Territorit ka nisur një operacion në jug të vendit. Inspektorët e IKMT-së në plazhin e Jalës janë duke prishur disa objekte.
Raportohet se inspektorët së bashku me policinë kanë hasur rezistencën e pronarëve të disa objekteve që janë në plan për t’u prishur.
IKMT ka paralajmëruar pronarët e objekteve se kanë afat deri ditën e nesërme për t’u zhvendosur. Banorët kanë kundërshtuar forcat e IKMT-së dhe policinë, duke shprehur rezistencë dhe se nuk do të largohen.
Prishja e objekteve ndoshta mund të jenë në përputhje të ligjit, por koha që ka zgjedhur të ndërhyj IKMT është në sezon turistik dhe lë një imazh të shëmtuar tek vizitorët që qeveria i numëron ditë për ditë. Megjithatë ndëryhrja mesa duket është e mirëmenduar, pasi duke qenë se kemi qenë në vit zgjedhor dhe duheshin vota për mandatin e katërt, u lanë objektet në aktivitetin e tyre. Sot që qeveria u konfirmua edhe për katër vite të tjera, fillon “lufta” për pastrimin e territorit.
