Gjykata e Vlorës ka caktuar masën e sigurisë “arrest në burg” për Elvis Kosovën, i njohur ndryshe si “Visi i Garave”.
Seanca për caktimin e masës së sigurisë ndaj 40-vjeçarit u zhvillua këtë të mërkurë, ndërsa gjyqtari Nertil Meçaj la në fuqi kërkesën e Prokurorisë për mbajtjen e tij në qeli.
Vendimi u mor pas shqyrtimit të kërkesës së organit të akuzës dhe materialeve të paraqitura gjatë seancës gjyqësore.
Sipas Policisë, Kosova dyshohet se ka ushtruar dhunë ndaj bashkëshortes së tij dhe e ka kanosur atë me armë zjarri.
40-vjeçari u arrestua në Palasë, ndërsa gjatë ndërhyrjes së forcave të rendit u kap edhe me armë zjarri.
