Është gjetur edhe fëmija i dytë në lumin Buna. Viktima e dytë e gjetur dhe është vajza 8-vjeçare, ndërsa një ditë më parë u gjet trupi i motrës së saj 9-vjeçare. Ndërkaq, vijojnë kërkimet për trupin e nënës dhe djalit.
Bëhet fjalë për tragjedinë e ndodhur para disa ditësh ku një nënë së bashku me 3 fëmijët është hedhur në lumin Buna, pasi dyshohet se është dhunuar vazhdimisht nga bashkëshorti.
Alma Arrazi së bashku me tre fëmijët kanë shkuar pranë urës së Bunës dhe aty dyshohet se janë hedhur në lumë.
Për pasojë, dyshohet se ata janë mbytur. Pas ngjarjes, është arrestuar bashkëshorti i saj, që është nën akuzë për dhunë në familje dhe shkaktim i vetëvrasjes.
