Një ngjarje e rëndë është regjistruar në fshatin Vidhisht të Fierit, ku një burrë dyshohet se ka vrarë ish-vjehrrin e tij dhe më pas ka marrë peng ish-bashkëshorten.
Sipas informacioneve paraprake, autori ka qëlluar për vdekje ish-vjehrrin në rrethana që ende nuk janë zbardhur. Pas krimit, ai ka marrë me forcë ish-gruan dhe është larguar me automjet nga vendngjarja.
Policia ka ngritur pika kontrolli në zonë dhe ka nisur një operacion për kapjen e autorit. Forcat e rendit janë vënë në ndjekje të tij, ndërsa vijojnë përpjekjet për lokalizimin e automjetit dhe lirimin e gruas, e cila dyshohet se mbahet peng.
Ndërkohë, grupi hetimor po punon për zbardhjen e plotë të rrethanave dhe motiveve të ngjarjes.
