Thursday, 23 July 2026
Dërgo denoncim anonim
English

EKSKLUZIVE

Më shumë
Kronika 23 July 2026, 12:36 Nga VNA

Tubimi para Kuvendit, shkon në pesë numri i protestuesve të arrestuar

Ndaje në Whatsapp

jhjhjhj.jpg

Pesë qytetarë janë shoqëruar nga Policia e Shtetit pas tensioneve të regjistruara gjatë protestës së zhvilluar përpara Kuvendit të Shqipërisë.

Sipas informacioneve paraprake, të shoqëruarit janë dërguar në Komisariatin nr. 1 në Tiranë, ndërsa nuk janë bërë ende të ditura arsyet zyrtare të shoqërimit.

Ndërkohë, protesta vijon para godinës së Parlamentit, ku protestuesit kanë rrethuar ambientet dhe kanë vazhduar me thirrjet kundër qeverisë, duke kërkuar dorëheqjen e kryeministrit Edi Rama.

Në zonë mbetet e shtuar prania e forcave të Policisë së Shtetit dhe efektivëve të Forcave të Ndërhyrjes së Shpejtë (FNSH), të cilët po monitorojnë situatën për të shmangur përshkallëzimin e mëtejshëm të tensioneve.

Lexo gjithashtu

Video

Një çift amerikan përjetoi momente paniku gjatë një vizite në Shpellën Blu në ishullin e Kaprit, Itali, pasi varka me të cilën po udhëtonin u përplas me një shkëmb dhe nisi të mbushej me ujë. Ngjarja ndodhi teksa 49-vjeçarja Sherina Welch dhe bashkëshorti i saj po festonin 25-vjetorin e martesës. Për shkak të incidentit dhe vështirësive në komunikim me varkëtarin, u desh ndërhyrja e një varke tjetër, e cila i nxori të dy turistët në burg.

Tensione dhe përplasje u regjistruan paraditen e së enjtes para Kuvendit, ku protestuesit u përballën me forcat e Policisë. Protestuesit hodhën vezë dhe domate ndaj efektivëve dhe tentuan të çajnë kordonin e sigurisë, ndërsa Policia ndërhyri me ujë me presion, spraj me piper dhe gaz lotsjellës. Si pasojë e incidenteve, 6 punonjës policie mbetën të lënduar, disa protestues patën probleme shëndetësore dhe 5 persona u shoqëruan në Komisariat.

Pas përfundimit të protestës para Kryeministrisë, qytetarët kanë nisur marshimin në rrugët kryesore të Tiranës.

Në seancën e fundit parlamentare pati replika të forta mes deputetes socialiste Elisa Spiropali dhe kreut të PD-së, Sali Berisha. Spiropali kërkoi vetëkorrigjim të politikës, forcim të institucioneve dhe luftë kundër korrupsionit, ndërsa i bëri thirrje edhe opozitës të demokratizohet. Berisha iu përgjigj duke deklaruar se kritikat e saj nuk vijnë nga parimet, por nga humbja e pushtetit, teksa u shpreh: “Ty nuk të hëngri parimësia, por të hëngri Lubia.”

×
❮ ❯

opinion

Opinionet e shprehura i përkasin autorëve dhe nuk përfaqësojnë qendrimin e redaksisë.

Histori të harruara

Më shumë lajme