Edhe pse është jashtë loje për zgjedhjet e ardhshme, Erion Veliaj vijon me qokat e fundvitit për përfaqësitë diplomatike dhe drejtuesit e komuniteteve fetare. Por si gjithmonë, thotë dy fjalë për qëllimin e takimit dhe pjesa tjetër fjalimit është propagandë bajate që na e servir përnatë në kronikat e lajmeve.
Ditën e djeshme Veliaj mblodhi trupin diplomatik në Tiranë dhe drejtuesit e komuniteteve fetare me pretekstin për t’i uruar, pasi fjala e tij ishte vlerësim në për punët që ka bërë duke ia kaluar dhe Ramës.
“Presidenca e jonë e trefishoi anëtarësinë, teksa sot jemi rreth 71 qytete që janë pjesë e B-40, një platformë ku ndoshta, me shtete ose me protokoll nuk ulemi dot sepse ka ende punë të pazgjidhura, ama me qytetet, kjo ka qenë pak më e lehtë”, tha Veliaj.
Veliaj më tej tha se “sukseset janë nga ato ‘mëkate’ që nuk falen kurrë dhe se kush punon dhe komentohet”. Këtu ka të drejt kryebashkiaku pasi sukseset e tij që po kthehen në mëkate fillojnë që nga betonizimi, me kulla në çdo cep që po i merr frymën Tiranës, deri tek aferat me inceneratorët dhe 5D.
Në fund Veliaj shprehu mirënjohje për të pranishmit për kontributin që kanë dhënë për qytetin dhe të jepte përshtypjen se kjo ishte darka e lamtumirës. Sepse ditët ardhshme nuk i dihet se ç’ndodh, SPAK ka intensifikuar hetimet ndaj tij dhe familjarëve të tij dhe vitin e ri ndoshta dhe e feston me ndonjë koleg në burg.
