Presidenti amerikan Donald Trump ka njoftuar një pagesë të njëhershme prej 90 dollarësh për më shumë se 20 milionë persona të regjistruar në Medicare, programi federal i sigurimit shëndetësor që mbulon kryesisht të moshuarit.
Sipas Shtëpisë së Bardhë, pagesa synon të kompensojë një pjesë të kostos së primeve të Medicare Part B dhe do të financohet nga “Medicare Improvement Fund”. Kongresi ka vendosur rreth 2 miliardë dollarë në dispozicion të këtij fondi.
Shumica e personave që përfitojnë do t’i marrin 90 dollarët përmes depozitimit direkt në fillim të tetorit, ndërsa të tjerëve do t’u dërgohet çek. Jo të gjithë të regjistruarit në Medicare Part B do të kualifikohen për pagesën.
Njoftimi vjen vetëm rreth një muaj përpara zgjedhjeve të mesmandatit në SHBA, në një moment kur kostoja e jetesës dhe shpenzimet shëndetësore mbeten çështje të rëndësishme politike.
Administrata Trump e paraqet masën si një mënyrë për t’ua kthyer drejtpërdrejt fondet qytetarëve të moshuar.
