Presidenti i SHBA-ve, Donald Trump, thirri të enjten një takim me sekretarët e kabinetit për të diskutuar rreth Elon Musk dhe përpjekjet e tij për të ulur shpenzimet qeveritare dhe numrin e punonjësve.
Sipas raportimeve të mediave, diskutimi mori një ton të tensionuar.Musk akuzoi Sekretarin e Shtetit, Marco Rubio, për dështimin në shkurtimin e stafit në Departamentin e Shtetit. Miliarderi i teknologjisë i tha Rubio-s se ai ishte “i mirë në TV”, por nuk përmendi ndonjë lavdërim për punën e tij si kryediplomati i Amerikës.
Musk gjithashtu pati përplasje me Sekretarin e Transportit, Sean Duffy, lidhur me akuzat se Task Forca për Efiçencën Qeveritare (Doge), drejtuar nga Musk, kishte tentuar të pushonte nga puna kontrollorët e trafikut ajror, pavarësisht se ata ishin tashmë në mungesë të madhe në Administratën Federale të Aviacionit (FAA).
Departamenti i Duffy-t ka qenë nën vëzhgim pas dy aksidenteve ajrore në SHBA që kanë ndodhur që nga marrja e detyrës nga Trump në janar.
