Një konflikt i çastit në Thumanë ka përfunduar me të shtëna armë zjarri. Ngjarja ka ndodhur pak minuta më parë, ku pas një sherri për motive të dobëta, një person ka qëlluar me armë në drejtim të një automjeti të parkuar.
Fatmirësisht, nga të shtënat nuk raportohet për persona të lënduar, por janë shkaktuar vetëm dëme materiale. Menjëherë pas incidentit, autori është larguar nga vendngjarja.
Njoftimi
Krujë/Informacion paraprak.
Me datë 27.04.2025, rreth 11:00, në Thumanë, në parkimin e një lokali, dyshohet se pas një konflikti të çastit, për motive të dobëta, është qëlluar me armë zjarri në drejtim të automjetit të parkuar në pronësi të shtetasit K. M. Nga të shtënat nuk ka persona të dëmtuar.
Autori i dyshuar pas ngjarjes është larguar me një automjet, i cili është i identifikuar nga ana jonë, por për arsyje hetimi nuk japim të dhëna të tjera.
Grupi hetimor ndodhet në vendngjarje dhe paraprakisht gjatë këqyrjes së saj ka gjetur e sekuestruar dy gëzhoja. Punohet për kapjen e autorit dhe dokumentimin e plotë të rastit.
Policia bën me dije se autori është identifikuar dhe po punohet për kapjen e tij.
