Një ngjarje e rëndë ka tronditur mëngjesin e sotëm qytetin e Vlorës. Rreth orës 06:00, në lagjen “Hajro Çakërri”, është gjetur i pajetë një shtetas 58-vjeçar, i identifikuar si R. H.
Sipas informacioneve paraprake, viktima dyshohet se është vrarë me armë zjarri pranë banesës së tij. Mësohet se 58-vjeçari punonte si roje në një objekt ndërtimi në afërsi të vendit ku u gjet trupi i tij.
Policia ndodhet në vendngjarje dhe ka nisur hetimet për zbardhjen e plotë të rrethanave të krimit dhe identifikimin e autorit ose autorëve të mundshëm.
