Zbardhen detaje nga ekzekutimi i 58-vjeçarit Renato Hoxha në Vlorë. Autori i dyshuar i ngjarjes e ka pritur shënjestrën e tij për afro 30 minuta poshtë banesës së tij dhe, në momentin që Hoxha ka dalë, rreth orës 06:20, e ka qëlluar me dy plumba në kokë dhe një në trup.
Kamerat e sigurisë nuk kanë filmuar momentin kur Hoxha është qëlluar për vdekje, por kanë fiksuar autorin e dyshuar duke u larguar në këmbë.
Ai rezulton të jetë i veshur me rroba ngjyrë blu, në kokë mban kapele dhe maskë anticovid në fytyrë. Pas krimit, ai, ashtu sikurse ka ardhur, është larguar në këmbë. Renato Hoxhaj, që punonte roje nate, u vra në lagjen “Hajro Çakërri”.
