Sulmuesi i Interit, Ange-Yoan Bonny, ka përfunduar zyrtarisht procesin e ndryshimit të kombësisë sportive dhe tashmë do të ketë të drejtë të përfaqësojë Bregun e Fildishtë në ndeshjet ndërkombëtare, përfshirë Kupën e Botës 2026.
Kërkesa e tij për të kaluar nga përfaqësimi i Francës, ku kishte luajtur më herët me ekipin U-21, është miratuar nga FIFA, duke i hapur rrugën një kapitulli të ri në karrierën e tij ndërkombëtare.
Vendimi është bërë publik gjatë ditës së premte, ndërsa futbollisti i Inter është pritur edhe nga ambasadori i Bregut të Fildishtë në Itali, ku i është dorëzuar fanella e përfaqësueses.
Bonny, 22 vjeç, me origjinë nga Bregu i Fildishtë, pritet të jetë pjesë e listës përfundimtare të skuadrës që do të marrë pjesë në Kupën e Botës 2026. Ai ka pasur një sezon të mirë me Interin, duke kontribuar në fitimin e Serie A dhe duke shënuar pesë gola si zëvendësues.
