Gjatë javëve të fundit janë shtuar spekulimet për një rikthim të mundshëm të Jose Mourinho te Real Madrid, ku portugezi ka drejtuar skuadrën më herët nga viti 2010 deri në 2013.
Sipas raportimeve, Mourinho shihet si një nga kandidatët e preferuar të presidentit Florentino Perez, në rast se ndodh një ndryshim në stolin drejtues dhe shkarkohet aktualisht Alvaro Arbeloa, siç përflitet.
Megjithatë, brenda klubit dhe në opinionin e tifozëve, qëndrimet janë të ndara. Kjo është ndikuar edhe nga deklaratat e fundit të Mourinhos dhe polemikat që kanë përfshirë lojtarë si Vinicius Junior dhe Gianluca Prestianni.
Sipas gazetarit Gaston Alvarez, dhoma e zhveshjes së Real Madridit nuk e sheh Mourinhon si zgjedhjen e preferuar për sezonin e ardhshëm. Në vend të tij, më shumë vlerësohet trajneri gjerman Jurgen Klopp, i cili aktualisht drejton Benficën.
Alvarez ka theksuar se disa figura brenda klubit kanë shqetësime për stilin e Mourinhos, duke e cilësuar atë si një “figurë konfliktuale” që mund të sjellë tension në një dhomë zhveshjeje me ego të forta.
“Klopp pëlqehet shumë më tepër se Mourinho. Mourinho është një bombë me sahat… dhe ata e dinë këtë,” citohet të ketë thënë ai.
“Florentino e di që Klopp është më i pëlqyeri nga aspekti sportiv, por gjithashtu e di se Mourinho sjell zhurmë dhe ndikim të menjëhershëm,” u shtua në analizë.
Mbetet për t’u parë nëse Real Madridi do të marrë një vendim përfundimtar në javët e ardhshme.
