Kompania Spirit Airlines ka njoftuar mbylljen e aktivitetit të saj, pasi amerikane nuk arriti të sigurojë një paketë shpëtimi prej 500 milionë dollarësh nga administrata e Donald Trump.
Linja ajrore me kosto të ulët kishte qenë në negociata me qeverinë amerikane për një marrëveshje financiare që do ta shpëtonte nga falimentimi, por sipas kompanisë, rritja e çmimeve të karburantit për avionë ka ndikuar rëndë në situatën e saj financiare. Kjo rritje, sipas saj, lidhet me tensionet dhe luftën në Lindjen e Mesme mes Shtetet e Bashkuara të Amerikës dhe Iran, në bashkëpunim me Izraeli.
“Me zhgënjim të madh njoftojmë se kemi filluar një reduktim të rregullt të operacioneve tona, i cili hyn në fuqi menjëherë,” thuhet në deklaratën e kompanisë.
“Spirit Airlines” ka anuluar të gjitha fluturimet dhe u ka kërkuar klientëve të mos paraqiten në aeroporte, duke theksuar se procesi i mbylljes po bëhet në mënyrë të rregullt.
Drejtuesit e kompanisë deklaruan se rritja e ndjeshme e çmimeve të karburantit që nga fillimi i konfliktit e ka bërë të pamundur vazhdimin e operimeve, duke e lënë kompaninë pa alternativa.
“Spirit Airlines”, e themeluar në vitin 1992, ishte e njohur për fluturimet me kosto të ulët dhe avionët me ngjyrë të verdhë, duke punësuar rreth 11 mijë persona. Kompania kishte hyrë në falimentim dy herë gjatë vitit 2025.
