Kombëtarja e Turqisë po mban konferencën e saj për shtyp një ditë para ndeshjes së rëndësishme me përfaqësuesen e Kosovës. Në conferencë kanë dalë trajneri Vincenzo Montella dhe ylli i Interit, Hakan Çalhanoglu.
Mesfushori Interit nuk i ndali fjalët e mira për kosovarët duke i quajtur vëllezër.
Ai foli dhe për lojtarët tanë si Vedat Muriqi dhe Mërgim Vojvoda.
‘Unë e njoh Vedatin e Vojvodën, dhe kam shumë shokë shqiptarë, i di disa fjalë edhe shqip por nuk mund t’i them këtu në konferencë’, ishin fjalët e Çalhanoglut.
Ndërsa Vincenzo Montella vlerësoi Kosovën dhe e cilësoi ndeshjen si shumë të vështirë.
‘Do të jetë presion. Ka lojtarë që nuk ishin të lindur kur Turqia luajti për herë të fundit në Botëror. Besoj se do ta përballojmë me sukses presionin. ‘Kosova me plot meritë ka ardhur deri këtu. Ka pasur në kontinuitet rezultate pozitive. Besoj se do të jetë finale e madhe’, u shpreh Montella.
