Lufta në Lindjen e Mesme ka shkaktuar një “tronditje globale” për ekonomitë në mbarë botën, ndërsa ka zbehur perspektivën për shumë vende që sapo kishin filluar të rimëkëmbeshin nga krizat e mëparshme, ka paralajmëruar Fondi Monetar Ndërkombëtar.
“Goditja është globale, megjithatë asimetrike”, thuhet në një reagim të dhënë nga ekonomistët kryesorë të huadhënësit global.
“Importuesit e energjisë janë më të ekspozuar se eksportuesit, vendet më të varfra më shumë se ato më të pasura dhe ato me rezerva të pakta më shumë se ato me rezerva të bollshme.”
Lufta kundër Iranit, e nisur nga SHBA-të dhe Izraeli muajin e kaluar, ka rezultuar në përçarjen më të madhe në histori të tregut global të naftës.
Kjo tronditje është gjithashtu edhe pjesërisht për shkak të mbylljes së Ngushticës së Hormuzit nga Irani, përmes së cilës normalisht kalojnë 25% deri në 30% e naftës globale dhe 20% e gazit natyror të lëngshëm, sipas Agjencisë Ndërkombëtare të Energjisë.
