Kryeministri britanik, Keir Starmer, ka deklaruar se Mbretëria e Bashkuar nuk do të përfshihet në luftën në Lindjen e Mesme.
“Ky nuk është lufta jonë dhe nuk do të tërhiqemi në të”, tha Starmer, duke iu përgjigjur pyetjes nëse Londra po shqyrton dërgimin e trupave britanike për të mbështetur operacionet e Shteteve të Bashkuara dhe Izraelit kundër Iranit.
Sipas raportimit të BBC, Starmer sqaroi se Mbretëria e Bashkuar po ndërmerr vetëm “masa mbrojtëse” për të mbrojtur jetët e qytetarëve britanikë, interesat e saj dhe aleatët në rajon.
Kryeministri britanik shtoi se Londra do të vazhdojë të mbrojë interesat e saj dhe të punojë për rihapjen e Ngushticës së Hormuzit, duke theksuar edhe një herë se vendi i tij nuk do të përfshihet në këtë konflikt.
