Futbollisti i kombëtares së Shqipërisë, Arbër Hoxha do të largohet nga Dinamo Zagrebi në fund të sezonit.
Për Hoxhën është raportuar se ka pasur interes nga klube të mëdha si Galatasaray, Fenerbahçe apo Hull City, po mesfushori nga Kosova do të bëjë një lëvizje befasuese.
Ai pritet të vazhdojë karrierën në Poloni, te skuadra e Widzew Lodzit ku kanë arritur një marrëveshje paraprake, e cila mund të ndërprehet në rast se WidzeW bie në ligë të dytë të Polonisë.
Këtë sezon, Hoxha ka shënuar 6 gola dhe 3 asiste në 24 ndeshje me Dinamon e Zagrebit. Hoxha ishte dhe autori i golit të Shqipërisë në ndeshjen me Poloninë e cila përfundoi me rezultatin 2 me 1 për Polakët.
