Një shpërthim, i shkaktuar nga dy shishe molotov, ka ndodhur brenda Konsullatës Ruse në Marsejë. Nuk raportohet për dëme ndaj personave. Konsulli i përgjithshëm rus në Marsejë, Stanislav Oranskiy, ka konfirmuar shpërthimin brenda konsullatës.
Lajmi është raportuar nga mediat ndërkombëtare, të cilat theksojnë se nuk ka viktima, ndërsa sipas mediave franceze, zjarrfikësit ndodhen në vendngjarje.
Zëdhënësja e Ministrisë së Jashtme ruse, Maria Zakharova, ka deklaruar për agjencitë ruse se incidenti në Konsullatën Ruse në Marsejë ka "të gjitha tiparet e një sulmi terrorist" dhe i ka kërkuar autoriteteve franceze të hetojnë ngjarjen.
Në lagjen e Marsejës ku ndodhi incidenti gjenden selitë e disa konsullatave, përfshirë ato të Egjiptit, Tunizisë dhe Armenisë. Në vendngjarje kanë mbërritur forcat e zjarrfikësve dhe policisë.
