Ministrja e Brendshme e Gjermanisë, Nancy Faeser, ka paralajmëruar se kthimi i refugjatëve sirianë mund të ketë pasoja serioze për sektorin shëndetësor të Gjermanisë.
“Reparte të tëra të sektorit shëndetësor do të zhdukeshin nëse të gjithë sirianët që punojnë këtu do të largoheshin nga vendi ynë tani” - tha Faeser pas një mbledhjeje të kabinetit në Berlin.
“Për ne është e rëndësishme që t’u ofrojmë sirianëve që janë këtu - ata që kanë një punë, që janë integruar, që nuk kanë precedentë penalë dhe fëmijët e të cilëve ndjekin shkollën - mundësinë për të qëndruar dhe për të kontribuar në ekonominë tonë” - shtoi ajo, disa ditë pasi rrëzimi i regjimit të al-Assad nxiti një debat në Gjermani mbi mundësinë e rikthimit të emigrantëve sirianë në vendin e tyre.
Komentet e Nancy Faeser u mbështetën nga Ministri i Shëndetësisë, Karl Lauterbach, i cili tha se më shumë se 6000 mjekë sirianë janë të punësuar në Gjermani dhe janë “të pazëvendësueshëm” në ofrimin e kujdesit shëndetësor.
? Reuters
