Simbol i lirisë dhe sovranitetit, NEWBORN në Prishtinë këtë vit të pavarësisë së Kosovës i kushtohet Inteligjencës Artificiale.
Fisnik Ismaili, autor i monumentit të pavarësisë shkruan se "E pëlqeve apo e urreve, e deshe apo ia pate frikën, Inteligjenca Artificiale është këtu, edhe çdo ditë e më shumë po bëhet pjesë e pashmangshme e jetëve tona".
Monumenti NEWBORN që nga zbulimi i tij në vitin 2008, ai është bërë një pikë referimi për vendasit dhe turistët, duke e vendosur Kosovën në hartën botërore si një destinacion me rëndësi historike dhe kulturore.
Dizajni i tij në ndryshim të vazhdueshëm pasqyron identitetin dhe aspiratat e kombit, duke e bërë atë një emblemë dinamike të lirisë dhe progresit.
