Tronditet Saranda. Shpërthim i fortë eksplozivi në lagjen nr. 3 të qytetit. Ngjarja pranë banesës së personit në kërkim Klaus Jacaj. Ky i fundit u shpall në kërkim pasi ndihmoi Ramazan Canaj, të dyshuarin për plagosjen e dy personave pranë stadiumit të qytetit. Të plagosur mbetën Ernest Lama e Gëzim Hoxha, të dy me banim në Kamëz.
Në kërkim për këtë ngjarje është shpallur dhe vëllai i Ramazanit, Erjon Canaj.
Në orët e para të mëngjesit në Sarandë kanë mbërritur forcat RENEA, të cilat kanë zhvilluar kontrolle për kapjen e personave në kërkim, pasi përplasjeve të vazhdueshme që janë numëruar në qytet së fundmi.
Sarandë/Informacion paraprak
Më datë 21.07.2025, rreth orës 23:50, në lagjen nr. 3, Sarandë, dyshohet se ka shpërthyer një sasi lënde eksplozive e vendosur në një automjet, ku janë shkaktuar vetëm dëme materiale. Automjeti rezulton në pronësi të shtetasit K. J., 31 vjeç, person i shpallur në kërkim për veprën penale “Përkrahja e autorit të krimit”, në lidhje me ngjarjen e datës 17.07.2025, ku mbetën të plagosur me armë zjarri dy shtetas.
Grupi hetimor ndodhet në vendngjarje dhe po punon për identifikimin dhe kapjen e autorit, zbardhjen e plotë të rrethanave të ngjarjes dhe dokumentimin e saj ligjor.
