Pas lajmit që sugjeron një rikthim të mundshëm të lirisë së lëvizjes për liderin e PD-së, Sali Berisha, nuk ka munguar as reagimi i kryeministrit Edi Rama.
Rama ka komentuar në rrjetet sociale, duke përdorur metafora të njohura për të ilustruar, sipas tij, “absurditetin e besimit të verbër në figurat e vjetra politike”.
“Thashë se ia hoqën vërtetë damkën të shpëtonte Shqipëria nga një turp i pashembullt, po aha, hiç qenkej një tjetër nga ato talljet e Bufit me lukuninë e Kënetës, ku mbetet gjithnjë i palëkundur besimi se po e tha Bufi fluturon edhe gomari,” shkruan Rama në platformën X.
Kryeministri vijon me tone ironike:
“Trushpëlarje aq shembullore u ka bërë në tërë këto vite të shkretëve, sa që edhe kur Bufi i rrjedhur përçartet rrugëve, Këneta sheh ëndrra madhështore me rrugë qumështi dhe mëndafshi, ku oqeani bëhet kos dhe kapelja trampiste e Bufit shumëfishohet në miliona tenxhere floriri me markën USA.”
Deri më tani, nuk ka një konfirmim zyrtar nga Departamenti i Shtetit në lidhje me ndonjë ndryshim në statusin e “non grata” për Sali Berishën
