- Kamera e GPS në kantiere ndërtimi. Rama kërcënon arkitektet me ndjekje penale. Shkarkon të gjithë kryetarët e njësive administrative
Edi Rama sot kërcënoi të gjithë. Nga kryetarët e bashkive, tek drejtorët e deri tek Policia e Shtetit kreu i qeverisë tregoi se nuk ndalet për të arritur qëllimet e tij. Dhe për këtë tha se në një kohë që ne angazhojnë gjithë ajkën e elitës botërore të arkitekteve nuk mund të lejojmë ndërtime sipas qefit. Për këtë foli konkretisht se kur Policia do ka treguar se di të shkojë edhe në majën e një mali dhe t'i thotë atij fshatari ke ndërtuar një avlli pa leje. Poshtë në bregdet ku ndërtohen resorte, nuk e shohin. Daltonizmi kur sheh bojë kafe dhe sheh blu. Për këtë paralajmëroi masa të ashpra. Deklarata erdhën gjatë një takimi me kryetarët e bashkive në Durrës. Në fjalë e tij ka folur për një reformë të thellë territoriale si dhe sistemin e furnizimit me ujë në vend. Sipas tij, menaxhimi aktual është kthyer në një problem serioz, që kërkon zgjidhje të menjëhershme dhe të qëndrueshme. Për këtë paralajmëroi se të gjitha kompanitë e ndërtimit të do të vendosen në kantieret e ndërtimit me kamera online 24, të ndiqen nga forcat policisë. Kantiere me GPS, që të monitorohet trafiku i tyre që të shikohen edhe hedhjet e mbetjeve. Do forcohet në legjislacion roli i arkitektit, nëse konstatohet shmangie nga leja dënim penal. Jo më lidhje ujë e drita nesër nuk ka leje nga strukturat përkatëse. Paralajmërimet edhe për ndërtimet në proces legalizimi. Nuk do ketë më kam paguar ujë e drita, por s'kam letra shtëpie. Ndërkohë që sa i takon ujit është koha për një operator kombëtar për sistemin e shpërndarjes së ujit. Të drejtojë në mënyrë koorporate dhe jo politike.
