Nga Desada Metaj
Marjana Koceku, kryesuesja e listës së PS në qarkun e Shkodrës, ka vendosur t’i dalë në krah Edi Ramës dhe Benet Becit për aksionin e prishjes së ndërtimeve në Theth. Në një status në FB, ish-Neomalësorja shkruan se Kryeministri @ediramaal dhe Kryetari @becibenet kanë ba një ndërhyrje të domosdoshme në mbrojtje të fshatit Theth që asht edhe kopertina e turizmit shqiptar.
Marjana, si shefi i saj, ka merak kopertinën, dhe ndoshta duhet të kuptojë se në brendësi të faqeve që mbulohen nga kopertina ka një zinxhir padrejtësish për banorët e zonës dhe ata që kanë investuar në Theth. E di Marjana që shteti duhet të veprojë para se të lejojë ndërtimet në çdo zonë? Që nëse ka shkelje nuk mund dhe duhet të lejosh ndërtime pa leje? Që shteti nuk funksionon me aksione, por me ligje që respektohen 24 orë në 24?
Sigurisht që ndoshta formimi i saj nuk ja lejon t’i dijë këto të gjitha. Ama, si një ish sipërmarrëse, Marjana Koceku duhet të dijë së paku të respektojë ata njerëz që kanë investuar djersën e tyre në Theth. Dhe më parë se t’u kujtojë atyre që u janë prishur ndërtimet se për hir të të parëve duhet të mos vrasin identitetin, duhet t’i flasë vetes me zë të lartë ndoshta, se më shumë se identiteti i zonës vlen dinjiteti njerëzor. Dhe se përdorimi nga politika i këtij dinjiteti është shenja e parë e një politikanëje të kalbur që pa çelur mirë.
