Protestat janë të vonuara. Shqiptarët kanë vetëm një rrugë: protestat për luftën ndaj narkoshtetit në shtator – kështu deklaroi sot kryetari i PD, Sali Berisha, i cili sërish prezantoi video të asaj që ai e konsideron masakrën zgjedhore të 11 majit.
Kryetari i PD i kërkoi sot kryekomisionerit Celibashi që t’i vërë në dispozicion materialet e plota të votës së emigrantëve. Sipas tij, për masakrën e votës së diasporës nuk është përgjegjëse DHL për shkak të prestigjit të saj botëror. Madje ai amnistoi edhe Ilirjan Celibashin, që sipas tij ka kryer thjesht veprime administrative. Dhe në fakt këtu ka të drejtë, sepse bashkë me Oerd Bylykbashin dhe Damian Gjiknurin, zoti Celibashi ka qenë përgjegjës për mënyrën e gjetur për votën e emigrantëve.
