Sot Sali Berisha sulmoi kompaninë DHL si të blerë nga Partia Socialiste.
Ndërsa tregonte nënshkrime të nja tre zarfeve, si burrë zamani tentoi të bënte humor duke i atashuar siglimeve emra të grave socialiste.
Se cila është lidhja mes protestave të njoftuara të Shtatorit me siglat në zarfet e dërgesave të DHL, lidhur me procesin e votimit të Diasporës, vështirë se e zbulojmë dot.
Por një gjë është e qartë! "Si drita e diellit" do thosh Berisha.
Kontrata me kompaninë DHL është lidhur me Komisionerin Shtetëror të Zgjedhjeve. Jo me Ramën.
Nëse Celibashi i paska treguar ndonjë të fshehtë, Berisha bën mirë mos e konservojë siç e ka zakon. As të na e ruajë surprizë e të na e thotë pas nja 2 vjetëve.
Rezultati i thellë i humbjes e bën të pamundur që Berisha t'i faturojë Ramës humbjen e tij në zgjedhje.
Nuk ja faturon dot edhe sikur mos lërë emër pa përmendur e pa ja"shitur" Ramës. Jo vetëm Celibashin por edhe gjithë listën prej 12 vetësh, që funksionojnë si zyrtarë të organeve drejtuese të KQZ të emëruar nga Kuvendi.
Ramës për zgjedhjet e 11 Majit i mjafton fatura si fitues.
Secili këto 4 vjet do paguajë faturën e vet.
