Asociacioni i Gazetarëve të Shqipërisë shpreh shqetësimin e tij të thellë për bllokimin njëmujor të faqes së blogut VNA.al nga platforma Facebook. Ky është një rast tjetër që dëshmon se si raportimet masive nga militantë politikë (siç thonë drejtuesit e blogut) mund të përdoren si instrument censurues ndaj zërave kritikë dhe mediave të pavarura.
VNA është një blog i vogël, por me një qasje profesionale dhe të guximshme ndaj temave që shpesh nuk gjejnë vend në media më të mëdha. Bllokimi i kësaj faqeje është një dëm real ndaj lirisë së shprehjes dhe lirisë së shtypit në vend, dhe për më tepër përbën një precedent shqetësues për çdo media apo individ që guxon të ngrejë zërin kundër pushteteve dhe padrejtësive.
AGSH i bën thirrje institucioneve shqiptare dhe publikut të gjërë të mos bien pre e fushatave të heshtjes apo dezinformimit, por të mbështesin median e lirë, pavarësisht madhësisë apo kapaciteteve të saj.
Liria e shprehjes nuk mund të censurohet me klikime. E vëteta nuk mund të heshtet!
