Vetëm tre ditë pas lirimit nga burgu, deputeti i Partisë Demokratike, Ervin Salianji, është paraqitur sot pranë Shërbimit të Provës, në zbatim të vendimit të Gjykatës së Fierit.
Salianji, i cili u dënua me 1 vit burg për kallëzim të rremë lidhur me çështjen e njohur si “dosja Babale”, u lirua me kusht pas vendimit të gjykatës, ndërsa do të vijojë të jetë nën mbikëqyrje të Shërbimit të Provës për pjesën e mbetur të dënimit.
Deputeti demokrat ka deklaruar më herët se procesi ndaj tij ishte i motivuar politikisht dhe se do të vazhdojë betejën ligjore për të rrëzuar vendimin e dënimit.
