Pedagogët janë mbledhur para Universitetit Politeknik të Tiranës në mbështetje të studentëve protestues, duke kërkuar dorëheqjen e kryeministrit Edi Rama.
Gjatë tubimit, pedagogët u shprehën se protestuesit nuk kanë çfarë të dialogojnë me kreun e qeverisë. Ata deklaruan gjithashtu se Parlamenti ka pushuar së funksionuari.
Tubimi vjen pas paralajmërimit të pedagogëve për t’u bashkuar në mbështetje të studentëve dhe kërkesave të tyre. Sindikata e Punonjësve të Universiteteve të Shqipërisë (SPUSH) iu bashkua reagimeve kundër dhunës policore ndaj studentëve protestues.
Kreu i Sindikatës së Pedagogëve, Sandër Kovaçi në fjalën e tij para të gjithë pedagogëve, i kërkoi kryeministrit Rama që të japë dorëheqjen dhe t’i japë zgjidhje politike situatës së krijuar.
Pedagogët kanë hartuar edhe një peticion, përmes të cilit bëjnë thirrje që kërkesat e studentëve të dëgjohen dhe të merren në konsideratë.
