Një grup vajzash protestuese janë përballur me ujin me presion të Policisë së Shtetit gjatë protestës në Tiranë, për t’u shoqëruar më pas nga efektivët drejt furgonit të policisë.
Pamjet e publikuara nga VNA tregojnë vajzat të mbledhura pranë njëra-tjetrës, disa me helmeta mbrojtëse, teksa mbi to drejtohet një rrjedhë e fortë uji nga automjeti i policisë.
Pavarësisht forcës së ujit, vajzat nuk tërhiqen dhe vijojnë të qëndrojnë së bashku. Por përballja nuk përfundon aty. Pas ndërhyrjes me ujë me presion, efektivët e policisë i shoqërojnë drejt furgonit.
Pamjet tregojnë një nga momentet e tensionuara të protestës, ku rezistenca e vajzave përballë ndërhyrjes policore pasohet nga shoqërimi i tyre.
