Partia Demokratike ka lënë mënjanë bojkotin, ndërsa ka marrë pjesë sot në seancën plenare të Kuvendit, e parafundit për këtë legjislaturë.
Ndërkohë, jashtë perimetrit të Kuvendit janë mbledhur protestues të shumtë, të cilët kanë qëlluar me vezë në drejtim të ligjvënësve gjatë hyrjes së tyre në Parlament.
Sali Berisha dhe deputetët demokratë kanë zgjedhur të futen në Kuvend nga porta pranë Akademisë së Shkencave, duke shmangur hyrjen kryesore të Parlamentit.
Berisha është shfaqur në krye të grupit të demokratëve dhe ka përshëndetur mediat duke ngritur dy gishtat lart, përpara se të hynte në sallën e Kuvendit.
