Kolegji Zgjedhor do të hedhë këtë të enjte në ambientet e Gjykatës Administrative të Apelit, shortin për përcaktimin e trupit gjykues lidhur me një kërkesë padi të Partisë Demokratike-Aleanca për Shqipërinë Madhështore. PD-ASHM kërkon pavlefshmërinë e zgjedhjeve në qarkun Lezhë, pasi kolegji të shfuqizojë më parë vendimin nr. 94, datë 05.06.2025 të Komisionit të Ankimeve dhe Sanksioneve pranë Komisionit Qendror të Zgjedhjeve dhe shfuqizimin e vendimit nr. 1313, datë 23.05.2025 të Komisionit Shtetëror të Zgjedhjeve. PD-ASHM kërkojnë ripërsëritjen e zgjedhjeve në të gjithë qarkun Lezhë, pasi pretendojnë për parregullsi.
