Deputetja Marjana Koçeku mungoi në seancën plenare të kësaj të enjteje, vetëm pak ditë pasi shpalli largimin nga grupi parlamentar i Partisë Socialiste. Në sallën e Kuvendit, vendi ku ajo ishte ulur deri më tani nuk ishte më i lirë.
Karrigia e saj ishte zënë nga deputetja socialiste e Vlorës, Briseida Çakërri, një lëvizje që u vu re menjëherë në sallë dhe që u interpretua si një sinjal i qartë i distancimit të shumicës nga deputetja e Shkodrës. Ndërsa Koçeku nuk ishte e pranishme, ndryshimi i vendit të saj në sallë tërhoqi vëmendjen mes zhvillimeve të fundit politike që pasuan largimin e saj nga PS.
