Lionel Messi nuk arriti ta mbyllte me trofe finalen e Kupës së Botës 2026, pasi Argjentina u mposht nga Spanja dhe dështoi të mbrojë titullin e fituar katër vite më parë.
Kapiteni i "Albiceleste" ishte titullar dhe luajti gjatë gjithë ndeshjes, përfshirë edhe kohën shtesë. Pas vërshëllimës së fundit, zhgënjimi i tij ishte i dukshëm. Messi u shtri për disa momente në barin e stadiumit, i dërrmuar nga humbja në finalen e tretë të Kupës së Botës në karrierën e tij.
Megjithatë, pak çaste më vonë ai tregoi edhe një herë madhështinë e tij si sportist. Sapo u ngrit, Messi iu afrua talentit spanjoll Lamine Yamal dhe e përgëzoi për triumfin, duke e përshëndetur me respekt.
Gjesti i kapitenit argjentinas u duartrokit nga tifozët në stadium dhe u bë menjëherë viral në rrjetet sociale, ku shumë e cilësuan si një tjetër dëshmi të sportivitetit dhe klasit të tetë herë fituesit të Topit të Artë, pavarësisht zhgënjimit të madh për humbjen në ndeshjen më të rëndësishme të turneut.
