Përballja spektakolare mes Francës dhe Anglisë për vendin e tretë në Kupën e Botës 2026 u mbyll me fitoren 6-4 të “Tre Luanëve”, duke i siguruar anglezëve medaljen e bronztë dhe një vend në historinë e turneut.
Sfida e zhvilluar në Miami u bë ndeshja e parë e një Botërori që prodhon 10 gola ose më shumë që nga viti 1982, duke i dhënë fund një pritjeje 44-vjeçare.
Me këtë rezultat, Francë–Angli 4-6 u rendit mes vetëm gjashtë ndeshjeve në historinë e Kupës së Botës që kanë prodhuar të paktën 10 gola:
Austria 7-5 Zvicra – 12 gola (1954)
Brazili 6-5 Polonia – 11 gola (1938)
Hungaria 8-3 Gjermania – 11 gola (1954)
Hungaria 10-1 El Salvadori – 11 gola (1982)
Franca 7-3 Paraguai – 10 gola (1958)
Franca 4-6 Anglia – 10 gola (2026)
Ndeshja dhuroi emocione të shumta. Anglia dominoi pjesën e parë, duke shkuar në pushim me avantazhin 4-0, por Franca reagoi fuqishëm pas pushimit dhe ngushtoi diferencën deri në 5-4.
Kur francezët kërkonin golin e barazimit, Jude Bellingham shënoi në minutat shtesë për rezultatin përfundimtar 6-4, duke vulosur fitoren e Anglisë dhe duke e kthyer këtë sfidë në një nga përballjet më spektakolare në historinë e Kupës së Botës.
