Kreu i grupit parlamentar të PS, Niko Peleshi për sa i përket mandati të Olta Xhaçkës tha se ajo që ndodhi nuk është moszbatim i vendimit të Gjykatës Kushtetuese, por një paqartësi që rrethon çështjen, në lidhje me atë se cila e drejtë prevalon.
"Të gjitha palët janë në të drejtën e tyre, e drejta e deputetit për të vendosur vetë, e drejta e zbatimit se cila është e para, ku fillon zbatueshmëria me shumë të drejtë e vlerësoj vendimin e duhur dhe të mençur për ta çuar në komisionin e Venecias.
Do të na vlente për të gjitha vendimet e Gjykatës Kushtetuese që do të kalojnë në seancë. Vijoj të mos e pranoj që është kundërshtim i Gjykatës Kushtetuese, ne vendimin e kemi trajtuar me seriozitetin që i takon, ashtu siç e kërkon ky vendim. Çfarë na këshillon Komisioni i Venecias do ta zbatojmë."
