Me 29 Gusht është dorëzuar padia e parë në Kushtetuese për Kodin Zgjedhor.
Kryetari i Lëvizjes për Zhvillim Kombëtar, Dashamir Shehi, ka paditur në Gjykatën Kushtetuese ndryshimet në Kodin Zgjedhor që u miratua me votat e Partisë Socialiste dhe ato të deputetëve të PD, ndërsa ndryshohej formula e listave për deputetë.
Rezart Kthupi, i cili dorëzoi padinë i tha mediave se e ka dorëzuar padinë në emër të partisë së Shehit, pasi partitë e vogla opozitare kanë mendime të ndryshme juridike dhe vendosën që paditë t'i bëjnë të veçanta.
Dy parti të tjera opozitare i bashkohen nismës së Shehit, Adriatik Lapaj dhe Endri Shabani do të depozitojnë gjithashtu në Kushtetuese padi për të kërkuar shfuqizimin e ndryshimeve të Kodit Zgjedhor.
