Madonna dhe Taylor Swift ishin dy emrat kryesorë të MTV Video Music Awards 2026, në një mbrëmje ku artistet femra dominuan çmimet më të rëndësishme.
Madonna, 68 vjeçe, ishte artistja më e nominuar e këtij viti me 13 nominime dhe përfundoi mbrëmjen me shtatë çmime, përfshirë “Artistja e Vitit”. Ajo fitoi gjithashtu çmimin për bashkëpunimin më të mirë me Sabrina Carpenter dhe çmimin për muzikën dance.
Mbrëmja shënoi edhe rikthimin e saj në skenën e VMAs pas 23 vitesh. Madonna hapi ceremoninë në Peacock Theater të Los Anxhelosit me një performancë ku u shfaqën edhe Sabrina Carpenter dhe Charli xcx.
Taylor Swift fitoi tre çmime, mes tyre trofeun kryesor “Videoja e Vitit” për The Fate of Ophelia. Me suksesin e ri, ajo zgjeroi rekordin si artistja me më shumë çmime në historinë e MTV VMAs. Swift mori gjithashtu çmimin e ri “Artist Director Honors”, që vlerëson punën e artistëve pas kamerës në realizimin e videoklipeve.
Mes fituesve të tjerë ishin Sienna Spiro si artistja e re më e mirë, Lisa për pop, BTS për këngën e vitit dhe Bad Bunny në kategorinë Latin.
