900 mijë vota kundër mori Partia Demokratike në vitin 2013. Dhe në përbërje të saj ishin deputetë që sot Sali Berisha i ka rikthyer në betejën elektorale të vitit 2025. I pyetur nga gazetarët se përse kjo zgjedhje, kreu i Partisë Demokratike Sali Berisha tha se në fakt, eksperienca në politikë është aset dhe jo dobësi.
"Ata emra që nuk morën vota në 2013 kanë dëshmuar sot besnikërinë ndaj shqiptarëve që i kanë votuar. Në 12 vite kanë dëshmuar, kanë faktuar se në rast se kanë patur ndonjë prosupuzim ndaj tyre ka qenë i padrejtë sepse ata janë faktuar që i kanë shërbyer qytetarëve dhe janë në shërbim të tyre. Kudo në botë gjen politikanë politikanë afatgjatë, gjen politikanë afatmesëm, meteorik. Por ata që janë afatgjatë të garantoj që figura e tyre del e pakompentuar sepse janë aset për politikën" Për kundërshtarin politik, Berisha tha se bëri gjithçka, kërko me lupë dhe si gjeti asgjë.
Referuar listës së PD, Berisha tha se këta vërtetë janë edhe para 2013 por ama kanë qenë shërbëtorë ne politikë. Eksperienca në politikë është aset, jo dobësi.
"Siç janë ata që disa prej tyre nuk kanë marrë pjesë në politikë. Një grup i gjërë që konkurrojnë për herë të parë. Formimi i tyre është i shkëlqyer. Është një Shqipëri tjetër. Janë kualitete të mëdha. Lista e tyre kap kokën me dorë. Ata me dosje më të rënda se pesha e tyre në SPAK". Një sulm pati edhe ndaj kryebashkiakut ku tha se Rama lëshoi Erionin sepse u paraqit do zëvëndësi i tij. Më 12 do i zinte vendin. I futi çimkat me Ulsiun.
