Juristja Alesia Balliu, e cila u largua nga lista e PD-së, ka nxjerrë disa detaje nga primaret e Elbasanit. Në një intervistë për A2CNN, Balliu tha se procesi në Elbasan u deformua nga Sekretari i Partisë Demokratike, Flamur Noka, dhe nënkryetari Luçiano Boçi, pasi kanë ndërhyrë për të mbledhur vota për kandidaten në listën e mbyllur për qarkun e Elbasanit, Klodiana Çapja.
Ajo gjithasht tha se Klodiana Çapja e cila mori një vend të sigurt në listë, është drejtoreshë e burrit të Alketa Vejsiut. Sipas saj, kjo tregon se sulmet e PD ndaj burrit të Alketa Vejsiut për financimet e detoksit të Edi Ramës në këmbim të lejeve të ndërtimit janë shoë mediatik.
“Pasi mbaroi gara, absolutisht mua më vijnë mesazhe nga qyteti i Elbasanit he për këtë kam një të drejtë që këtu tek juve të jap një shpjegim për këtë çështje. Ky është numri personal i Flamur Nokës, që është me 806 në fund, këtu vihet deputetja që është kandidatja në listë të mbyllur një ndër mikeshat më të ngushta, drejtoresha e burrit të Alketa Vejsiut, që këto dalin dhe vetëm e baltosin në lidhje me çështjen e Ramës, vihet në listë të mbyllur në Partinë Demokratike duke bërë pazare. Dhe këtu kemi përfshirjen e nënkryetarit të PDSH, Luçiano Boçit për të marrë vota për këtë vajzën pa filluar gara. Ky është numri i flamur Nokës që e verifikon “di unë se kë ka telefonuar Luçiano për t’i dhënë votat Klodit”. Duke e parë këtë paçavure 48 orëshin e fundit dhe duke e konfirmuar nga numri personal i sekretarit të përgjithshëm, unë nuk mund të rrija më në këtë parti” – tha Balliu.
Balliu gjithashtu tha se listën e primaree në Elbasan e ka bërë Flamur Noka, ndërsa Tomor Alizoti ka vetëm emrin si drejtues politik pasi s’ka pasur asnjë vendimmarrje.
“Unë me zotin Boçi nuk kam pasur komunikim. Zotit Flamur Noka, i kam shkruajtur mesazhe por s’më ka kthyer përgjigje. Kam pasur komunikim dhe me zotin Alizoti, por ka qenë një ndër personazhet që nuk ka pasur fare të bëjë me listën e Elbasanit. Ka vendosur Flamur Noka. Alizoti ka qenë thjesht drejtuesi i parë politik, por që nuk ka pasur vendimmarrje për listën” – tha Balliu.
