Një ditë pas dorëzimit të listës të kandidatëve për deputetë për garën elektorale në zgjedhjet e 11 majit, kreu i Partisë Demokratike Sali Berisha mbajti edhe një deklaratë për media. Nga selia blu, kreu demokrat deklaroi se lista u hartua nga votat dhe konsultat. Në këtë listë, Berisha tha se janë 39% gra, 18% të rinj dhe 7 përfaqësues nga diaspora. I pyetur në lidhje me largimet e deputetëve të cilët nuk e gjeten veten tek listat e mbyllura, kryedemokrati u përpoq t'i justifikonte duke deklaruar se: "Një pjesë nuk është e vërtetë se braktisën se nuk ishin në lista të sigurt. Një pjesë nuk donin të hynin në garë. Kanë preferuar të vazhdojnë jetën private. Në tërësi deputetet kanë pranuar verdikti e listës. Nuk po flas për ndonjërin që nuk pranoi verdikti". Sipas Berishës beteja kundër Edi Ramës zhvillohet jo nga opozita e opozitës, se ato ndihmojnë Edi Ramën, por zhvillohet tek Aleanca Madhështore. Një tjetër sulm bërë edhe ndaj listës së Partisë Socialiste duke konsideruar të mbushur me patronazhistë dhe subjekte të SPAK-ut, të cilët shumë shpejt do t'i gjejnë në burg.
Figurat që refuzuan të kandidojnë ose u tërhoqën:
1. Helidon Bushati 2. Kasem Mahmutaj 3. Eralda Bano 4. Emilia Koliqi 5. Ferdinand Xhaferraj 6. Lefter Geshtenja 7. Zheni Gjergji 8. Sorina Koti 9.Oriela Nebiaj 10. Ilda Dhori 11. Dashnor Sula 12. Elisabeta Rredhi 13. Hysen Kadiu 14. Elena Qirici 15. Andi Mustafaj 16. Alesia Balliu
